فەرماندەیەکی پێشمەرگە ڕایگەیاند، هەر ناوچەیەک بکەوێتە چوارچێوەى مادەى ١٤٠وە و لە ژێر دەستى داعشدابێت بە مافی یاسایی خۆیانی دەزانن بەشداری لە کۆنتڕۆڵکردنەوەیدا بکەن و دەشڵێت، پێشمەرگە نەخشە و پلانی شەڕی کۆنتڕۆڵکردنەوەى حەویجەی لە بەردەستدایە.

وەستا ڕەسوڵ فەرماندەى میحوەری باشورى کەرکوکى هێزى پێشمەرگە ڕاشیگەیاند : ئۆپراسیۆنی کۆنتڕۆڵکردنەوەى حەویجە لە نێوان پێشمەرگە و سوپاى عێراق و هاوپەیماناندا تاوتوێ کراوە و لەسەر هەموو پرسەکان گەیشتوون بە ڕێکەوتن".

جەختیشیکردەوە "هەر قەزا و ناحییەک بکەوێتە چوارچێوەى ماددەى ١٤٠وە بە مافی یاسایى خۆمانی دەزانن بەشداری لە کۆنتڕۆڵکردنەوەیدا بکەن".