مەکتەبی سیاسیی یەکێتیی نیشتمانیی کوردستان کۆدەبێتەوە و ناوەندی بڕیاری ئەو حزبەش بەشداری لە کۆبوونەوەکە ناکات.

ئەمڕۆ دووشەممە 3\10\2016، سەعدی ئەحمەد پیرە، ئەندامی مەکتەبی سیاسیی یەکێتی، لە لێدوانێکیدا ئەوەی ئاشکرا کرد کە کۆبوونەوەی مەکتەبی سیاسیی یەکێتی ئەنجام دەدرێت و گوتی: “ئێستا لە ڕێگاوەم بۆ سلێمانی و بەشداری لە کۆبوونەوەی مەکتەبی سیاسیی یەکێتی دەکەم”.

ئەوەشی ڕوون کردەوە: “بۆ کۆبوونەوەی مەکتەبی سیاسی ئاگاداری ئەندامان دەکرێتەوە، ئەگەر کەسێک نەیەت یان بەشداریی کۆبوونەوەکە نەکات، ئەوە بابەتێکە پەیوەندی بەخۆیەوە هەیە".

هەر لەمبارەیەوە شاڵاو عەلی عەسکەری، گوتەبێژی ناوەندی بڕیاری یەکێتیی نیشتمانیی کوردستان، ڕایگەیاند: “تەنیا ئەوەندە دەڵێم کە ناچینە نێو هیچ کۆبوونەوەیەک کە دەرئەنجامی نەبێت”.









باسنیوز