دوای دۆزینەوەی تەرمی دوو فەرمانبەری شاری دهۆک لە چیای شنگال، قایمقامی شنگال ئاشکرای دەکات کە پێشمەرگەکان لە سنووری هێزەکانی سەر بە پەکەکە شەهید کراون.

ئەمڕۆ دووشەممە 3\10\2016، مەحما خەلیل، قایمقامی شنگال، ڕایگەیاند، دوو فەرمانبەر کە وەک پێشمەرگەی خۆبەخش هاتوون، لەسەر چیای شنگال شەهید کراون. ئەوەشی ڕوون کردەوە: “ئەوەی لەسەر چیای شنگال ڕووی داوە، یەکەمجار نییە، چونکە ئەوان بە قارەمانیی خۆیان بەرگریان لە شنگال کردووە، ئێستاش لەو شوێنەی شەهید کراون کە یەکینەکانی پاراستنی گەل (یەپەگە)ی لێیە”.

مەحما خەلیل جەختی لەوە کردەوە کە هەموو گومانەکان بۆ ئەوە دەچێت، یەپەگە ئەو دوو فەرمانبەرەی دهۆکی کوشتبێت، بۆیە داوای کرد: “بەزووترین کات هۆکاری کوشتنی ئەو پێشمەرگانە ئاشکرا بکرێت و تاوانبارەکانیشمان ڕادەست بکرێت، چونکە ئۆتۆمبێلەکانیشیان بردوون". گوتیشی: “ڕێکاری تایبەت بەرانبەر بە پەکەکە دەگیرێتە بەر، هەر کەسێک ئەو کارەی کردبێت، هیچ جیاوازییەکی لەگەڵ داعشدا نییە".









باسنیوز