ئەندامێكی ئەنجومەنی نوێنەرانی عێراق، هێما بۆ ئەوە دەكات كە شاندەكەی هەرێمی كوردستان لە بەغدا، باسی پرسی مووچەی هێزی پێشمەرگەی كوردستان كردووە.

شاخەوان عەبدوڵا، ئەندامی ئەنجومەنی نوێنەرانی عێراق، لە لێژنەی ئاسایشی و بەرگری ڕایگەیاند: "لەو شاندەی هەرێمی كوردستان بەسەرۆكایەتی بارزانی، سەرۆكی هەرێمی كوردستان، باس لە پرسی پێدانی مووچەی هێزی پێشمەرگەی كوردستان وەك مافێكی رەوای یاسایی و دەستووری كراوە، لەكاتێكدا مووچەی هێزی پێشمەرگەی كوردستان، بەپێی بڕیارێكی سیاسی بڕدراوە".

ئەو ئەندامەی لێژنەی ئاسایشی و بەرگری، لە ئەنجومەنی نوێنەرانی عێراق، جەختی لەوەش كردەوە: "حكوومەتی عێراق بەشێوەیەكی ناحەق، چەند ساڵە مووچەی هێزی پێشمەرگەی كوردستانی بڕیوە، بۆیە دەبێت ئەو مافە بۆ هێزی پێشمەرگە بگەڕێتەوە".







باسنیوز