نوێنەری ئێزدییەکان لە پەرلەمانی کوردستان داوا دەکات، بە شێوەیەکی خێرا پارتی کرێکارانی کوردستان (پەکەکە) شنگال چۆڵ بکات و واز لە سنووری شارەکە بهێنێت.

شێخ شامۆ، نوێنەری پێکهاتەی ئێزدی لە پەرلەمانی کوردستان، ڕایگەیاند: “داوا لە پەکەکە دەکەین، بەشێوەیەکی خێرا شنگال چۆڵ بکەن، چونکە تەواو بوونەتە جێگای نانەوەی دووبەرەکی لە شارەکە”.

بە گوتەی شێخ شامۆ: "خەڵک بێزار بووە لە پەکەکە، منداڵ دەڕفێنن، دەیان بەن بۆ سووریا و شەڕیان پێ دەکەن و ئازاری خەڵک دەدەن، هەر ڕۆژە و حزبیک رادەگەیەنن، تەواو خەڵک نیگەرانە لەو دۆخە، بۆیە داوادەکەین بەزووترین کات شنگال چۆڵ بکەن".





باسنیوز