پارێزگه‌رێ دهوكێ دیاركر، ئه‌ڤرو 28/9/2016 مارك ئایشهورن، قونسلێ گشتى یێ وه‌لاتێ ئه‌لمانیا ل كوردستانێ، سه‌ره‌دانا دهۆكێ دا گه‌نگه‌شه‌ ل سه‌ر ئاماده‌كاریێن پارێزگه‌ها دهۆكێ كرین بۆ وه‌رگرتنا وان ئاوارێن ژ ئه‌نجامێ شه‌رى رزگاركرنا مووسلێ قه‌ستا دهۆكێ دكه‌ن هاته‌ كرن.

فه‌رهاد ئه‌مین ئه‌تروشى، پارێزگه‌رێ دهوكێ، دیاركر: "ره‌وشا ئاواره‌ وپه‌نابه‌ران ل ناڤ وده‌رڤه‌ى كه‌مپان وئه‌و خزمه‌ت وهاریكاریێن كارگێریا پارێزگه‌هێ و رێكخراوێن نێڤده‌وله‌تى ب تایبه‌تى رێكخراوێن ئه‌لمانیى پێشكیشى ئاواران و په‌نابه‌ران دكه‌ن هاتنه‌ به‌حسكرن، هه‌روه‌سا ژێ ئاماده‌كاریێن پارێزگه‌ها دهوكێ كرین بو وه‌رگرتنا وان ئاواران یێن ژ به‌ر ئوپه‌راسیونا رزگاركرنا موسل قه‌ستا پارێزگه‌هێ دكه‌ن هاته‌ شروڤه‌كرن، دته‌وه‌ره‌كێ دێ دا به‌حسێ په‌یوه‌ندیێن خورت یێن دناڤبه‌را حوكمه‌تا ئه‌لمانیا وهه‌رێما كوردستانێ ب گشتى وپارێزگه‌ها دهوكێ ب تایبه‌تى هاته‌ كرن ورولێ رێكخراوێن ئه‌لمانیى بو پشته‌ڤانیكرنا پروژێن خزمه‌تكارى ل سنورێ پارێزگه‌ها دهوكێ وپشته‌ڤانیكرنا خه‌لكێ ئاواره‌ یێ ڤه‌دگه‌ریته‌ سه‌ر ده‌ڤه‌رێن رزگاركرى هاته‌ كرن".

پارێزگه‌رێ دهوكێ سوپاسیا حكومه‌تا ئه‌لمانیا كر كو هاریكاریا هه‌رێما كوردستانێ دبوارێ له‌شكرى ومروڤایه‌تى دا دكه‌ت هه‌روه‌سا سوپاسیا وان كر ل دور وان هاریكاریێن راسته‌وخو یێن حكومه‌تا ئه‌لمانیا رێكخراوا(GIZ)دگه‌ل كارگێریا پارێزگه‌هێ دكه‌ن بو خزمه‌تكرنا خه‌لكێ پارێزگه‌هێ وئه‌نجامدانا پروژا.












باسنيوز