شایەتحاڵەكانی تەقینەوە خوێناوییەكەی قامشلۆی رۆژئاوای كوردستان باسی ساتەوەختی روودانی تەقینەوەكە دەكەن و تاوەكو ئێستاش تەندروستی بەشێكی زۆر لە بریندارەكان ناجێگیرە.

دەستەی تەندروستی کانتۆنی جزیرە رایگەیاند، لە توانایاندا هەیە هەموو بریندارەکان لە رۆژئاوای کوردستان چارەسەربکەن، ئەوەش دوای ئەوە هات هەرێمی كوردستان ئامادەیی دەربڕی بۆ هاوكاری بریندارەكان لەڕووی تەندروستییەوە.

دوای تەقینەوە، خەڵکی قامشلۆ بەردەم نەخۆشخانەکانیان گرتووە و ژمارەیەک لە بریندارەکان دۆخی تەندروستیان ناجێگیرە. توانای نەخۆشخانەکان، کەرەستەی پزیشکی و دەرمان کەمترە لە گەورەیی رووداوەکە و قوربانییەکانی.

شوێنی تەقینەوەكە بووەتە وێرانە و شایەتحاڵان باس لە ساتی روودانی تەقینەوەكە دەكەن.



رووداو -