دوو تەقینەوەی گەورە لە قامیشلۆ روویاندا، تەقینەوەیەکیان لە گەڕەکی غەربی و ئەوی دیکەش لەنزیک شەقامی وەزارەتی بەرگری روویداوە.

بەپێی سەرچاوەكانی رووداو، تەقینەوەكیان لەڕێگەی ئۆتۆمبێلێکی بارهەڵگری بۆمبڕێژكراو ئەنجامدراوە و ژمارەیەكی زۆر شەهید و بریندار هەن.
تەقینەوەكە گەڕەكی غەربی كردووەتە ئامانج كە زۆربەی وەزارەتەكانی رۆژئاوای كوردستان و فەرمانگە و نووسینگەكانی پارتی یەكێتی دیموكراتی PYD ی لێن.

سەرچاوەكان دەڵێن لەنێو شەهید و برینداران هاونیشتمانیانی سڤیل و كارمەندانی ئاسایش هەن.



رووداو