چلهیا وهغهكرنا زانایێ كورد مستهفا زهلمى ل ههولێرێ هاته كرن
د چلهیا وهغهكرنا دكتور زهلمى دا، نێچیرڤان بارزانى، جێگرێ وى قوباد تالهبانى، وهزیرێ خواندنا بلند و ههژمارهكا بهرپرسێن پایه بلند یێن ههرێمێ و دۆست و كهس و كارێن زهلمى ل هۆلا شههید سهعد عهبدوللاهـ بهرههڤبوون، ب ڤێ ههلكهڤتێ، سهرۆكێ ههرێمێ مهسعوود بارزانى ژى بروسكهیهك ئاراستهى كۆرێ چلهیا وهغهكرنا زهلمى كر. نێچیرڤان بارزانى ژى گۆتارهك د وى كۆڕى دا پێشكێشكر.
سهرۆكێ ههرێمێ د برووسكا خوه دا كو ژلایێ سهرۆكێ دیوانا سهرۆكاتییا ههرێمێ، فوئاد حسێن ڤه هاته خواندن، دیاركر، دكتور زهلمى وهكو عهلامه و بیرمهندهكێ مهزن، پێگهههكێ مهزن ل ناڤهندێن زانستى و ئۆلى دا ههبوویه.
سهرۆكێ ههرێمێ دا زانین ژى، دكتور مستهفا زهلمى، لسهر ئاستێ ههرێمێ ژى راوێژێن شهرعى و قانوونى پێشكێشى حوكمهتا ههرێمێ كرینه، و رۆلهكێ مهزن د راستڤهكرنا قانوونا بارێ شارستانى یا ههرێمێ دا ههبوویه.
ژلایێ خوهڤه سهرۆكێ حوكمهتا ههرێمێ نێچیرڤان بارزانى گۆتارهك د رێ و رهسمێن چلهیا وهغهكرنا وى زانایێ كورد دا پێشكێشكر و باس ل پێڤاژۆیا ژیانا وى یا زانستى و رۆلێ وى دڤى واریدا كر.
نێچیرڤان بارزانى رۆلێ زهلمى د راستڤهكرن و دارشتنا ههژمارهكا قانوون و مژارێن گرنگ یێن بارێ كهسایهتى ژى دا كر و گۆت ژى پێدڤییه ههموو كورد شانازیێ ب وى زانایێ كورد بكهن، كو ب زانایهكێ ناڤدار ل ههموو جیهانا ئیسلامێ دهێته زانین.
وار
