له‌ چاوپێكه‌وتنێكیدا له‌گه‌ڵ تۆڕی‌ فۆكس نیوزی ئه‌مریكی‌ فه‌رمانده‌یه‌كی‌ پێشمه‌رگه‌ رایده‌گه‌یه‌نێت رێكخراوی تیرۆریستی‌ داعش خاوه‌ن چه‌كی‌ پێشكه‌وتوون، ئاماژه‌ بۆ ئه‌وه‌ش ده‌كات كه‌ ئه‌و رێكخراوه‌ تیرۆریستییه‌ داهاتوو و پێگه‌یان له‌ كوردستاندا نییه‌ و به‌سه‌ریاندا سه‌رده‌كه‌وین.

كه‌مال كه‌ركوكی ئه‌ندامی‌ مه‌كته‌بی سیاسی‌ پارتی‌ دیموكراتی‌ كوردستان كه‌ ئێستا یه‌كێكه‌ له‌ فه‌رمانده‌كانی‌ پێشمه‌رگه‌ له‌ سنووری‌ میحوه‌ری‌ كه‌ركوك رایگه‌یاند: "پێش چه‌ند رۆژێك هێزه‌كانی‌ پێشمه‌رگه‌ی‌ كوردستان دوو تیرۆریستیان ده‌ستگیركرد كه‌ چه‌كی‌ پێشكه‌وتووی‌ وه‌كو قه‌ناسیان بۆ داعش دروستده‌كرد".

وتیشی‌: ئه‌وان چه‌كی‌ پێشكه‌وتوو و به‌هێزیان پێیه‌، به‌ڵام هێزی‌ پێشمه‌رگه‌ ئیراده‌ی‌ به‌هێزتره‌ و ناتوانن بمانشكێنن".
روونیشیكرده‌وه‌: "داعش داهاتووی له‌ كوردستاندا نییه‌".




















خه‌ندان