بە بۆنەی هاتنەوەی ساڵیادی رۆژی جیهانی خاوەن پیداویستیيە تایبەتييەكان لە هەرێمی كوردستانیش هاوشێوەی وڵاتانی دیكە بەشێوەیەكی بەرچاو ئەم یادكردنەوەیە بەرز رادەگیرێت.

سەرۆكی كۆمەڵەی خاوەن پێداویستيیە تایبەتیيەكان (سەركەوت نانەكەلی) لە بارەی رەوەش و بارودۆخی خاوەن پێداویستیە تایبەتیيەكانى كوردستان بە ماڵپەڕی گوڵانی راگەیاند: باردۆخی ژیانی خاوەن پێداویستیەكان لە كوردستان وەكو پێوست گرینگی پێندراوە، گوتیشی: بەداخەوە بەهۆی قەیرانی داریی ئەمساڵ زۆر پڕۆژەی گرینگمان لە دەست چوو بۆ باشتر كردنی ژیانی خاوەن پێداویستیە تایبەتیەكان.

نانەكەلی جەختی لەوەش كردەوە كە پڕۆژەیاسای ماف و ئیمتازاتی خاوەن پێداویستییە تایبەتییەكان كەموكوڕی زۆری هەیە و گوتیشی: داوامانكردوە لە پەرلەمانی كوردستان ئەو پڕۆژەیاسایە هەموار بكرێتەوە كە لەساڵی 2011 دەرچووە و خاوەن پێداویستییەتایبەتییەكانیش داوا لە خەڵكی كوردستان دەكەن چیدی وەك كەمئەندام ناویان نەهێنن و بە ناوی خاوەن پێداویستییە تایبەتییەكان بناسرێن.