سوپای عێراق بە هاوكاری میلیشیا شیعەكان سەرقاڵی كۆكردنەوەی هێز و داڕشتنی پلانە بۆ گرتنەوەی جەلەولا، چەكدارانی داعشیش هەستیان بەو پلانە كردووەو ئەوانیش خۆیان بۆ ئەگەری هێرش دەستپێكردووە. بەڵام پێشمەرگە لەو پلانەی سوپادا نییە.

هێزەكانی سوپای عێراق لەگەڵ پۆلیسی ئیتیحادی و هێزەكانی بەدر و عەسایبی ئەهلی حەق پلانێكیان داڕشتووە بۆ ئەوەی بتوانن ناوچەكانی ژێر دەسەڵاتی داعش كۆنترۆڵ بكەنەوە، بۆ ئەو مەبەستەش لە سنووری جەلەولا و سەعدییە سەرقاڵی ئامادەسازین و چەندین ئامێر و كەرەستەی سەربازییان بردووەتە ئەو سنوورانە.

رووداو زانیویەتی كە لە بەرامبەریشدا چەكدارانی داعش سەرقاڵی سەنگەر دروستكردن و خۆما ئامادەكردنن.

لە بەرامبەر ئەو هەوڵانە بۆ رزگاركردنەوەی جەلەولا، لیوا حوسێن مەنسور، فەرماندەی هێزی پشتیوانی دووی هێزی پێشمەرگە بۆ رووداو گوتی "سەعدییە و جەلەولا خاكی كوردە و دەبێ پێشمەرگەش لە هەر هێرشێكی ئەو ناوچانەدا بەشدار بێ".









رووداو