ئەندام پەرلەمانی كوردستان ئیمزایان لەسەر داواكارییەك كردووە، بۆ ئەوەی پەرلەمانی كوردستان دانیشتنێك لەبارەی ئافرەتانی شنگال ئەنجامبدرێت.


ئێڤار ئیبراهیم سەرۆكی لیژنەی كاروباری ژنان لە پەرلەمانی كوردستان گوتی: ئێمە وەفدێكی ئافرەتانی پەرلەمانی كوردستان سەردانی ئەو ئافرەتانەی رزگاربووی ژێر هەڕەشەی داعشمان كردووەو گفتوگۆمان لەگەڵدا كردوون و ئەوان هەموو قسەیەكیان بۆ ئێمە خستۆتە روو.

هەروەها گوتیشی: ئێمەی لیژنەی ژنانی پەرلەمانی كوردستان دواكارییەكمان خستۆتە بەردەم ئەندامانی پەرلەمانی كوردستان و بۆ پشتیوانیمان تاوەكو دانیشتنێكی پەرلەمانی كوردستان تایبەت بكرێت بەو ئافرەتانەی شنگال، بۆ ئەو مەبەستەش 80 ئەندام پەرلەمانی كوردستان ئیمزایان لەسەر ئەو داواكرییە كردووەو ئێستاكە لەبەردەم سەرۆكایەتی پەرەلەمانی كوردستاندایە.