لەگەڵ چاوەڕوانیی گەییشتنی هێزی پشتیوانیی پێشمەرگە و هاوکارییە سەربازییەکان، شەرڤان و بەرگریکارانی کۆبانی، بە توندی بەرپەرچی هێرشێکی دیکەی تیرۆریستانی داعشیان دایەوە. ڕوانگای مافەکانی مرۆڤ لە سووریایش دەڵێ، بۆ چوارەم شەوە، تیرۆریستان لە هێرشیان بۆ دەستبەسەرداگرتنی بەری باکووری کۆبانی شکست دەبەن.

ڕێکخراوی دەوڵەتی ئیسلامی ناسراو بە داعش، بە تەواوی چاوی بڕیوەتە ئەو شوێنە تا شەڕڤان و بەرگریکارانی کۆبانی گەمارۆ بدات، کە بە هۆیەوە ڕێ لە گەییشتنی هەر هاوکاری و پێداویستییەکیان دەگیرێ کە بە سنووری تورکیای بەستووەتەوە. لە دیتی ڕوانگای سووریاوە.
شەوی ڕابرد، لە بەرەی باشووری ڕۆژهەڵاتی کۆبانی شەڕ درێژەی هەبووە، بە تایبەت لە بازاڕی ئەلهال و کانیی کوردان، لە باشووریشەوە کە 7 تیرۆریستی لێ کوژران شەڕ بەردەوام بوو.
ڕوانگای سووریا دەڵی، لەوەتەی هێرش بۆ سەر ئەو شارە بەرپا کراوە و شەڕ لێیدا بەردەوامە، کە 40 ڕۆژی تێپەڕاندووە، 481 تیرۆریست کوژراون، لە بەرانبەردا ژمارەیەک لە شەڕوان و 21 هاووڵاتی شەهید بوون. بەپیی زانیارییەکانی ڕوانگای مافەکانی مرۆڤ لە سووریا.