سه‌نته‌ری به‌دواداچوونی رۆژهه‌ڵاتی ناوه‌راست بۆ كاروباری نیوده‌وڵه‌تی ( MERIA) له‌ راپۆرتێكی تایبه‌تدا كه‌ رۆژی 12ی ئۆكتۆبه‌ر بڵاوی كردۆته‌وه‌ ، جه‌خت له‌سه‌ر ئه‌وه‌ ده‌كاته‌وه‌ كه‌ هاوسه‌نگی هێز له‌ كۆبانی له‌ده‌ست ده‌رچووه‌، به‌ تایبه‌تی دوای ئه‌وه‌ی 9 هه‌زار له‌ تیرۆریستانی داعش له‌و شوینانه‌ نزیك بوونه‌وه‌ كه‌ له‌ ژیرده‌ستی كوردایه‌، ئه‌م هێرشه‌ی تازه‌یه‌ی داعش كردویه‌تیه‌ سه‌ر كۆبانێ ، هه‌وڵی یه‌كه‌می داعش نیه‌ بۆ تیكشانی ئه‌و ناوچانانه‌ی له‌ ژێر ده‌ستی چه‌كدارانی كوردایه‌، هه‌ربۆیه‌ پێش هێرشه‌كانی ئه‌م دواییه‌ بۆ سه‌ر كۆبانی له‌ چه‌ند هه‌فته‌ی رابردوو ،له‌ ته‌مموزی 2014 هێرشێكی دیكه‌ی دڕندانه‌ به‌ڵام سه‌رنه‌كه‌وتووی بۆ بۆسه‌ر كۆبانێ كردبوو، به‌ ماوه‌یه‌كی دوای ئه‌و هێرشه‌ داعش هێرشه‌كانی خۆی له‌ عێراق فراوانتر كرده‌وه‌.
به‌ڵام له‌ هێرشی ئه‌م جاره‌ی داعش بۆ سه‌ركۆبانێ به‌ڵگه‌كان ئه‌وه‌ ده‌خه‌نه‌روو كه‌ چه‌كدارانی داعش هه‌ندیك مادده‌ی كیماویی بۆ لێدانی چه‌كدارانی یه‌په‌گه‌ به‌كارهێناوه‌.

سه‌باره‌ت به‌م به‌ڵگانه‌ وه‌زیری ته‌ندروستی كانتۆنی كۆبانێ تیمێكی ته‌ندروستی پكهێناوه‌ بۆ ئه‌وه‌ی به‌رووردی لیكۆڵینه‌وه‌ له‌سه‌ر برینداره‌كان بكات ، به‌پێی قسه‌كانی وه‌زیری ته‌ندروستی كۆبانی ( جه‌سته‌ی سێ شه‌ره‌ڤانانی كورد هیچ گولله‌یه‌كی به‌رنه‌كه‌تووه‌ ، به‌ڵام سوتان و په‌له‌ی سپی به‌ جه‌سته‌یانه‌وه‌ دیاره‌ و ئه‌مه‌ش نیشانه‌ی ئه‌وه‌یه‌ كه‌ چه‌كی كیماویی به‌كارهاتووه‌،له‌به‌ر ئه‌وه‌ی لاشه‌ی شه‌هیده‌كان هیچ برینداربوونێكی گولله‌یان پێوه‌ نیه‌ و به‌ڵام گیانیشیان له‌ده‌ستداوه‌).

سه‌نته‌ری میریا كه‌ له‌گه‌ڵ ئه‌م راپۆرته‌ چه‌ند وێنه‌یه‌كی به‌ر كه‌وتوانیشی بڵاو كردۆته‌وه‌، وێنه‌كانیان پیشانی شاره‌زایانی چه‌كی كیماویی ئیسرائیل داوه‌ و ئه‌وانیش به‌ پێی ئه‌و وێنانه‌ به‌ سه‌نته‌ری ناوبراویان راگه‌یاندووه‌ كه‌ داعش چه‌كی كیماوی دژی كوردانی كۆبانی به‌كارهێناوه‌ و یه‌كێك له‌و مادده‌ كیماویانه‌ش گازی خه‌رده‌له‌.