له‌شكه‌رێ ئه‌لمانیایێ ده‌ست ب مه‌شق و راهێنانكرنا هێزێن پێشمه‌رگه‌ ل دۆر ئاوایێ بكارئانینا چه‌كێن نوو كر، كو وه‌كه‌ قوناغا یه‌كێ 150 ئه‌فسه‌ر و پله‌دارێن پێشمه‌رگه‌ به‌شداریێ د گه‌را راهێنانێ ده‌ دكن.

ل گۆر مالپه‌ره‌كه‌ فه‌رمى یا ئه‌لمانیا هێزێن پێشمه‌رگه‌ چه‌كێن نوو یێن ئه‌لمانیایێ ل بیست و نه‌هێ ڤێ نه‌هێ ل دژى ته‌رۆریستێن داعشێ دێ بكاربینن و د وان گه‌ران ده‌ كو هه‌یاما دو مه‌هان به‌رده‌وام دبه‌ هێزێن پێشمه‌رگه‌ ل دۆر ئاوایێ ئاراسته‌كرنا رۆكێتێن نوو و هن جورێن دن یێن رۆكێتان شاره‌زایێ بده‌ست دخن.

تێ زانین یه‌كه‌م كاروانێ چه‌كێن ئه‌لمانى ل پێنجشه‌مى یا ده‌رباسبوویى ته‌ڤى پێنج شاره‌زاێن وان چه‌كان و نووژداره‌كى گیهانه‌ هه‌رێما كوردستانێ كو ئه‌و كاروانێ چه‌كان پارا 10 هه‌زار پێشمه‌رگه‌یان دكه‌.

د هه‌مان رۆژ ده‌ وه‌زیرا به‌رگیرى یا ئه‌لمانیایێ گیهایه‌ كوردستانێ و ته‌ڤى مه‌سعوود بارزانى سه‌رۆكێ هه‌رێما كوردستانێ جڤیا، د جڤینێ ده‌ سه‌رۆكێ هه‌رێمێ داخوازا وێ یه‌كێ كر هێژى چه‌كان ژ هێزێن پێشمه‌رگه‌ ره‌ بشینن.