بەرپرسی مەكتەبی راگەیاندنی لقی 14ی پارتی دیموکراتی کوردستان لە پارێزی موسڵ، ئاشكرای كرد: بە هۆی بۆمبی موگناتیزی بە ئوتۆمبیلێكی چەكدارانی داعش لە سەر رێگای شاردێی نەمرودی سەر بە پارێزگای موسڵ چەكدارێک کوژرا و دوو چەکداری دیکەش بریندار بوون.



بەرپرسی مەكتەبی راگەیاندنی لقی 4ی پارتی دیموکراتی کوردستان لە پارێزی موسڵ، سەعید مەموزینی، بە ئاژانسی هەوالی پەیامنێری راگەیاند: بەرەبەیانی ئەمرۆ لە سەر رێگای شاردێی نەمرودی سەر بە پارێزگای موسڵ بە هۆی بۆمبی لكێنرا بە ئوتومبیلی چەكدارانی داعشەوە كەسێك کوژرا و دوو کەسیش بە توندی بریندار بوون.



سەعید مەموزینی، گوتی: گروپی ئەفسەرانی ئازاد رۆژانە بە نهێنی كردەوكانی دژی چەكدارانی داعش ئەنجام دەدەن و لە رێگای دەمانچەی بێدەنگەوە چەكدارانی داعش دەكەنە ئامانج. ئەمەش لە دوای ئەوە دێت كە گروپە چەكدارەكان زۆر خەلكی پارێزگای موسڵیان بێزار كردووە و هەر رۆژە یاسایەك بە سەر هاووڵاتیانی شارەكەدا دەسەپێنن .



مەموزینی، باسی لەوشكرد لەم چەند رۆژەی دواییدا چەکدارانی داعش بە هەلكولینی چەند چالێك لە ژێر مەزاری نەبی یونس كە لە سەرەتای ئەم مانگەوە تەقاندبووینەوە، چەند پارچە شوێنەوار و پەیكەری زێرینیان دۆزیوەتەوە و رەوانەی سوریایان كردووە .