سەرلەبەیانی رۆژی پێنجشەممە 24.7.2014، فڕۆکە جەنگییەکانی هێزی ئاسمانی عێراق، بارەگا سەرەکییەکانی چەکدارنی داعشیان لە سێ گوندی ناحییەی تازە بە سەختی بۆردوومانکرد و بەپێی زانیارییەکانی رووداو، چەکدارانی داعش کوژراوی زۆر و برینداریشیان هەیە.

عەمید سەرحەد قادر، بەڕێوەبەری پۆلیسی قەزا و ناحییەکانی کەرکووک بە تۆڕی میدیایی رووداوی راگەیاند، "کاژێر 7:00ی بەرەبەیانی ئەمڕۆ، دوو فڕۆکەی جەنگی، سێ بارەگای سەرەکی چەکدارانی داعشیان لە گوندەکانی شەمسییە و مەرعییە و جەدبییەی سەر بە ناحییەی تازەی بە سەختی بۆردوومانکرد، کە ئەو شوێنانە چەند باغێکن و بارەگای سەرەکی چەکدارانی داعشن".

بەڕێوەبەری پۆلیسی قەزا و ناحییەکانی کەرکووک ئاماژەی بۆ ئەوەشکرد، کە "کوژراو و برینداری زۆر لەنێو ریزەکانی چەکدارانی داعش هەن"، بەڵام ئاماژەی بۆ ژمارەیەکی دیاریکراوی کوژراو و بریندارەکان نەکرد.





رووداو