بۆ پشتەڤانیا رۆژئاڤایێ كوردستانێ، كوردێن ئێزدی ل ئەلمانیا مەش و چالاكیان سازدكن
مزگین یوسف سەرۆكا ئەنجومەنێ ئێزدیێن رۆژئاڤایێ كوردستانێ – سوریا تایبەت بۆ رادیۆ و ئاژانسا پەیامنێر خوەیا كر كو وەك ئەنجومەنێ ناڤهاتی لبەرە ل چەند باژارێن ئەلمانیا و ئەۆرپی مەشا لداربخن پێخەمت رسوا كرنا كارێن تەرۆرستی ل رۆژئاڤایێ كوردستانێ .
سەرۆكا ئەنجومێ ئێزدیان گۆت ژی : وەك كوردێن رۆژئاڤا دزانن و ب پیرۆزی دنێرن رۆلێ و هەلویستێ سەرۆك بارزانی و حكومەت و هاولاتێن هەرێما كوردستانێ بەرامبەر شۆرەشا ئازادیا گەلێ كورد لسوریا .
مەشا هان ل باژارێ هانۆڤەر هاتە لدارخستن و ژ بال پەرلەمانێ ویلایەتا نیدەرزاكسن و وەزێرێ بازرگانی ڤە هاتن پێشوازیكرن و راپۆرتەكا تێر و تەسەل دەربارەیی رەوشا كوردان پێشكێشكرن .
ژبال خوەڤە پەیڤدارێ ئەنجومەنێ ئێزدیێن سوریا سەرحان عیسی گۆت : سەرەرایی خوەنیشاندانان ، لبەرە ل چەند رۆژێن داهاتی هنەك چالاكیێن دی یێن هەمەرەنگ ئەنجامبدان وەك بلند كرنا دەنگێ گەلێ كورد و تایبەتی كوردێن ئێزدی بەرامبەر رەوشا نالەبارا رۆژئاڤایێ كوردستانێ.
