لە كۆبوونەوەی ئەمڕۆی لیژنەی ئامادەكاری كۆنگرەی نەتەوەیی كورد بڕیاردرا رۆژانی 15و16و17-9-2013 لە هەولێری پایتەختی هەرێمی كوردستان كۆنگرەی نەتەوەیی كورد ببەسترێت.

بەپێی راگەیاندنی لیژنەی ئامادەكاری كۆنگرەی نەتەوەیی كورد، ئەندامانی كۆنگرە پێكدێن لە 600 ئەندام، كە بەسەر باكوور، باشوور، رۆژهەڵات و رۆژئاوای كوردستان و دەرەوەی وڵات دابەش دەكرێن.

بەپێی راگەیەنراوەكە پێكهاتەی ئەندامانی كۆنگرە بەم شێوەیە دەبێت \"رێژەی لە سەدا 10 بۆ رێكخراوەكانی گەنجان، لەسەدا 10 بۆ كەسایەتییەكان، لەسەدا 35 بۆ رێكخراوەكانی كۆمەڵگەی مەدەنی و لەسەدا 45 بۆ پارتە سیاسییەكان دەبێت\"".

هەروەها لیژنەی ئامادەكاری كۆنگرە بڕیاری داوە \""كە لەسەدا 40ی ئەندامەكانی دەبێت لە ژنان پێكبێت و بڕیاریش دراوە هەموو پارچەكانی كوردستان بە رەچاوكردنی ئەو رێژانەی كە دەستنیشانكراون ئەندامانی خۆیان دیاری بكەن\"".

كۆنگرەی نەتەوەیی كورد بە ئامادەبوونی 300 میوانی بیانی كە لە دۆستانی كورد و پەرلەمانتارانی ئەوروپی پێكدێن دەبەسترێت.












رووداو"