بەپێی ئاماره کۆمیسیۆنی باڵای سەربەخۆی هەڵبژاردنەکانی عێڕاق، ژمارەی ئەو رۆژنامەنووسه باوەڕپێکراوانەی بۆ هەڵبژاردنی پەرلەمان بەشدار دەبن، گەیشتۆته ١٠١کەس و هەروەها کۆمیسیۆن داوای له رێکخراوه خۆجەیی و نێودەوڵتییەکانی پەیوەندیدار به هەڵبژاردن کرد که بۆ مۆڵەت وەرگرتن سەردانی کۆمیسیۆنی باڵا بکەن.

\"میقداد شەریفی\"" سەرۆکی کارگێڕیی هەڵبژاردن له کۆمیسیۆنی باڵای هەڵبژاردنەکان به \""شەفەق نیوز\""ی راگەیاندووه: ژمارەی رۆژنامەنووسانی مۆڵەتپێدراو لەلایەن کۆمسیۆنەوه تاکو ئەمڕۆ گەیشتۆته ١٠١کەس.

میقداد شەریفی ئاشکراشی کرد که کۆمیسیۆنی باڵای هەڵبژاردنەکان و لێژنەی هەرێم، تاکو ئێشتا ٢١٠١نوێنەریان له لایەنه سیاسییەکان تۆمار کردووه.

شەریفی گوتی: رێژەی چاودێرانی خۆجەیی مۆڵەتپێدراو گەیشتۆته ٤٦٠کەس. هەروەها داوای له رێکخراوەکانی خۆجەیی و نێودەوڵەتیی تایبەت به هەڵبژاردن کرد که سەردانی کۆمیسیۆن یان لێژنەی هەرێم بکەن بۆ ئەوەی مۆڵەت وەربگرن بۆ ئەوەی له هەڵبژاردنی پەرلەمانیی ٢٠١٣ی هەرێمی کوردستان ئاماده بن."