عێراق.. لەدوو پەلاماری تێرۆریستی جیادا لە حللەو پارێزگای سەڵاحەدین ٧کەس کوژران
لەوبارەیەوە سەرچاوەیەک لە پۆلیسی عێراق رایگەیاند دوێنێ شەو ژمارەیەک تێرۆریست ھەڵیانگوتاوەتە سەر ماڵی ئەفسەرێکی پۆلیس لە حللە و ئەفەسەرەکە و دایکی و خێزانەکەی و دوو منداڵییان لەیەکێک لە ژوورەکانی ئەو ماڵەدا کوشتووە.
روونیشیکردەوە کە ھەریەک لە تەرمەکان شوێنەواری چەند گوللەیەکیان پێوەدیا بووە.
لەلایەکی دیکەشەوە سەرچاوەیەک لە پۆلیسی پارێزگای سەڵاحەدین رایگەیاند، دوێنێ شەو ژمارەیەک چەکداری تێرۆریست ھەڵیانگوتاوەتە سەر خاڵێکی پشکینینی ھێزەکانی سەحوەو لە ئاکامدا دوو چەکداری سەحوەو دووان لە تێرۆریستیەکان کوژراون.
