30 حوزه‌یران / یۆنیۆ (گوڵان میدیا)- لە شارۆچکەی کەلار لە کۆنگرەیەکی رۆژنامەنووسیدا بەڕێوەبەری چاودێری بازرگانی گەرمیان رایگەیاند: لە ماوەی ٦ مانگی ئەمساڵدا لە سنوری ئیدارەی گەرمیان پشکنین بۆ زیاتر لە ٣ ھەزار و ٧٠٠شوێنکار کراوە و بەھۆی سەرپێچی جۆراو جۆریشەوە ٣٣٧ شوێنکار سزا دراون.
حیکمەت ئەحمەد بەڕێوەبەری چاودێری بازرگانی گەرمیان رایگەیاند: لەسەرەتای ئەمساڵەوە لەلایەن لیژنەکانی سەر بە بەڕێوەبەرایەتیمان لەسنوری گەرمیان پشکنین بۆ ٣٧٦٨شوێنکار کراوە بەمەبەستی دەست بەسەر داگرتنی خۆراکی خراپ و ماوە بەسەر چوو و گرانی نرخ.
گوتیشی: لەماوەی ئەمساڵدا بەھۆی بوونی خۆراکی خراپ و ماوە بەسەرچوو ١٩٠ شوێنکار و بەھۆی لێکردنەوەی نرخی شمەکەکانیانەوە ١٣٤شوێنکار سزای دارایی دراوت، بەھۆی سەرپێچی جۆراوجۆریشەوە ٩ شوێنکار تر سزای دارایی دراونەو ٣ شوێنکاری دیکەش داخراون، بە ھۆی سەرپێچیەکانەوە بە بڕی زیاتر لە ١٦ ملیۆن دینار سزای دارایی سەرپێچیکاران دراوە.