وه‌زاره‌تى ناوخۆى عێراق، فه‌رمانى گرتن بۆ دوو پیاوى ئاینی "شیعه‌ مه‌زهه‌ب" ده‌رده‌كات، كه‌ هه‌ردووكیان ڕه‌گه‌زنامه‌ى به‌حره‌ینییان هه‌یه‌ و به‌مه‌به‌ستى به‌شداریكردن له‌ مه‌راسیمی یادى چله‌ى (ئیمام حسێن) سه‌ردانى عێراقیان كردووه‌.

ڕۆژنامه‌ى "قودسى عه‌ره‌بی" له‌سه‌ر زارى سه‌رچاوه‌یه‌ك له‌ وه‌زاره‌تى ناوخۆى عێراقه‌وه‌، بڵاویكرده‌وه‌، كه‌ دوێنێ هه‌ینی 10/ 11/ 2017 فه‌رمانى گرتن بۆ هه‌ریه‌ك له‌، شێخ (مه‌یسه‌م جومرى) و (مورته‌زا سندی) ده‌ركراوه‌.

هه‌ردوو كه‌سایه‌تییه‌ ئاینییه‌ شیعه‌كه‌ به‌حره‌ینین و له‌عێراقن، هۆكارى ده‌ركردنى فه‌رمانه‌كه‌ش بۆ ئه‌وه‌ ده‌گه‌ڕێته‌وه‌، كه‌ له‌كاتى به‌ڕێوه‌چوونى مه‌راسینی یاده‌ى چله‌ى (ئیمام حسێن) چالاكی سیاسی تائیفییان ئه‌نجام داوه‌ و ئه‌و چالاكییانه‌ش خراپه‌یان بۆ په‌یوه‌ندییه‌كانى عێراق و دراوسێكانى ده‌بێت.










باسنيوز