هێزه‌كانى ئاسایشی نیشتمانى له‌ به‌سڕه‌، شوێنێكیان دۆزییه‌وه‌ كه‌ لێیه‌وه‌ نه‌وتى خاوى هه‌نارده‌كراوى به‌سڕه‌ و میسان له‌ باشوورى عێراق، ده‌دزرا.

سه‌رچاوه‌یه‌كی ئه‌منی له‌ پارێزگاى به‌سڕه‌، ڕای گه‌یاند: "زانیارى دروست هه‌یه‌ كه‌ گرووپێك نه‌وتى خاوى هه‌نارده‌كراو له‌ناوچه‌ى لۆزان له‌نێوان به‌سڕه‌ و میسان ده‌دزن".

جه‌ختیشیكرده‌وه‌، كه‌ ده‌ست به‌ سه‌ر شوێنه‌كه‌ و ئه‌و بۆرییه‌شدا گیراوه‌ كه‌ بۆ دزینی نه‌وته‌كه‌ به‌كارهێنراوه‌.

ئه‌وه‌شى خسته‌ڕوو، كه‌ ئاسایشی نیشتمانى تیمێكى به‌دواداچوونى پێكهێناوه‌ بۆ ده‌ستگیركردنى تاوانباران و داخستنى ئه‌و ڕێگایانه‌ى ده‌چنه‌وه‌ سه‌ر شوێنی دزیكردنه‌كه‌.









باسنيوز