سه‌رچاوه‌یه‌ك له‌ فیرقه‌ى 15ى سوپای عێراق، كه‌ له‌ ده‌وروبه‌رى ته‌له‌عفه‌ر له‌ سنوورى باكوورى خۆرئاواى پارێزگاى نه‌ینه‌وا بڵاوه‌یان پێكراوه‌، ئه‌مرۆ (شه‌ممه‌ 12/ 8/ 2017) ڕای گه‌یاند، شه‌ڕ و پێكدادان له‌سه‌ر سنوورى عێراق_ سووریا، له‌نێوان هێزه‌ عێراقییه‌كان له‌گه‌ڵ ژماره‌یه‌ك له‌ چه‌كدارى داعش درووست بوو.



مقه‌ده‌م مسته‌فا ئیبراهیم، له‌ فیرقه‌ى 15ى سوپای عێراق ڕاگه‌یاند: "ئه‌و هێزه‌ سه‌ربازییه‌ى پاراستنى سنوورى عێراق_ سووریای له‌ ئه‌ستۆدایه‌، له‌گه‌ڵ ژماره‌یه‌ك چه‌كدارى داعش ڕووبه‌رووبوونه‌وه‌".



ئه‌و ئه‌فسه‌ره‌، گوتیشی: "هێزه‌ سه‌ربازییه‌كه‌ توانى 6 چه‌كدارى داعش بكوژێت و دووانى دیكه‌شیان به‌ره‌و ناو خاكى سووریا هه‌ڵاتن".



ئاماژه‌ى به‌وه‌شدا، كه‌ هێزه‌ عێراقییه‌كان له‌سه‌ر سنوورى سووریا بڵاوه‌یان پێكراوه‌ و كار ده‌كه‌ن بۆ ڕێگه‌گرتن له‌ دزه‌كردنى داعش بۆ ناو خاكى عێراق.
BASNEWS-