سه‌رچاوه‌یه‌كی ئه‌منى له‌ پۆلیسی نه‌ینه‌وا، ئه‌مڕۆ (پێنجشه‌ممه‌ 10/ 8/ 2017) كوژران و برینداربوونى پێنج كه‌سی ڕاگه‌یاند، كه‌ له‌كاتى په‌ڕینه‌وه‌یان له‌سه‌ر پردى نه‌سر له‌ ناوه‌ڕاستى مووسڵ له‌ لایه‌ن ئه‌و چه‌كدرانه‌ى داعشه‌وه‌ ته‌قه‌یان لێكرا كه‌ له‌ به‌رى ڕاستى شاره‌كه‌دا خۆیان حه‌شار داوه‌.

ڕائید سه‌لام خه‌فاف، له‌ پۆلیسی نه‌ینه‌وا، ڕاىگه‌یاند: "به‌ گوله‌ى ئه‌و چه‌كدارانه‌ى داعش كه‌ تائێستاش له‌ به‌رى ڕاستى شارى مووسڵ خۆیان حه‌شارداوه‌، دوو كه‌س كوژران و سێ كه‌سی دیكه‌ش بریندار بوون".

ئاماژه‌ى به‌وه‌شدا، كه‌ پردی نه‌سر، ته‌نها پرده‌ به‌رى چه‌پ به‌ به‌رى ڕاستى شاره‌كه‌ به‌یه‌كه‌وه‌ ده‌به‌ستێته‌وه‌ و هاووڵاتییان و هێزه‌ ئه‌منییه‌كان به‌كارى ده‌هێنن.

ڕوونیشیكرده‌وه‌، ئه‌و هێزانه‌ى له‌و ناوچه‌یه‌دان، برینداره‌كانیان بۆ نه‌خۆشاخنه‌ گواسته‌وه‌ و هه‌ڵمه‌تى پشكنین و گه‌ڕانیش بۆ چه‌كداره‌كانى داعش ده‌ستى پێكرد.











باسنیوز