هاوسه‌رى موفتى شه‌رعى ڕێكخراوى "داعش" له‌ شارى ته‌له‌عفه‌ر، له‌ ماڵه‌كه‌یدا ئاگرى له‌ خۆى و سێ منداڵه‌كه‌ى به‌ردا.

سه‌رچاوه‌یه‌كی ناوخۆیی له‌ پارێزگاى نه‌ینه‌وا، ڕای گه‌یاند: "هاوسه‌رى به‌ناو موفتى شه‌رعیى له‌ ته‌له‌عفه‌ر، ئه‌مڕۆ خۆى و هه‌ر سێ منداڵه‌كه‌ى كوشت".

ئاماژه‌ى به‌وه‌شدا، كه‌ تائێستا هۆكارى ئه‌و ڕووداوه‌ نادیاره‌ و نازانرێت بۆ چى ئه‌و كاره‌ى كردووه‌.

شارى ته‌له‌عفه‌ر، دواى هه‌ڵاتنى سوپای عێراق له‌ شارى مووسڵ و داگیركردنى، له‌ حوزه‌یرانى 2014ه‌وه‌ له‌لایه‌ن داعشه‌وه‌ ده‌ستى به‌سه‌ردا گیراوه‌. ماوه‌یه‌كیشه‌ ئه‌و شاره‌ وه‌كو ویلایه‌تێكى سه‌ربه‌خۆ له‌ "داعش" ڕاگه‌یاندراوه‌.
BAS NEWS-