سه‌رچاوه‌یه‌كی ئه‌منى، ئه‌مڕۆ (دووشه‌ممه‌ 17/ 7/ 2017) ڕای گه‌یاند، ژماره‌یه‌ك چه‌كدارى نه‌ناسراو، ئه‌ندامێكى ده‌سته‌ى كارگێڕی یانه‌ى (قوه‌ جه‌ویه‌) و هاوسه‌ركه‌ى و منداڵه‌كانى له‌ ناوچه‌ى مه‌نسوور له‌ به‌غدا، كوشت و هه‌ڵاتن.

سه‌رچاوه‌یه‌كی ئه‌منى له‌ پارێزگاى به‌غدا، ڕای گه‌یاند :" ژماره‌یه‌ك چه‌كدارى نه‌ناسراو، هه‌ڵیانكوتاوه‌ته‌ سه‌ر ماڵى ئه‌ندامى ده‌سته‌ى كارگێڕى یانه‌ى (قوه‌ جه‌ویه‌) به‌ناوى عه‌قید (به‌شیر فازل حه‌مه‌دانى) ، خۆى و هاوسه‌ره‌كه‌ى و هه‌ر سێ منداڵه‌كه‌یان كوشتووه‌ و هه‌ڵاتوون".

سه‌رچاوه‌كه‌ به‌ ماڵپه‌رى (سۆمه‌رییه‌ نیوز)ى ڕاگه‌یاند، دواى ڕووداوه‌كه‌ هێزێكى ئه‌منی ناوچه‌كه‌یان گرتووه‌ و ته‌رمه‌كانیان بۆ پزیشكى دادوه‌رى گواسته‌وه‌، هاوكات لێكۆڵینه‌وه‌ له‌ ڕووداوه‌كه‌ش ده‌ستى پێكردووه‌.

تائێستاش كرده‌وه‌ تیرۆریستی و تاوانكارییه‌كان له‌ به‌غدا ئه‌نجام ده‌درێن، كه‌ جگه‌ له‌ ته‌قینه‌وه‌ و كوشتن، هاوكات له‌لایه‌ن میلیشیاكانى حه‌شدى شه‌عبییه‌وه‌، تاوانى ڕفاندنى هاووڵاتیان و كوشتنیان ناوه‌ ناوه‌ ئه‌نجام ده‌درێـت.
bas news-