سه‌رچاوه‌یه‌كی ئه‌منى له‌ شارى ناسڕییه‌، ڕای ده‌گه‌یه‌نێت، كه‌سێك له‌ باكوورى شاره‌كه‌ له‌لایه‌ن خزمێكییه‌وه‌ به‌ گوله‌ كوژرا، هۆكارى كوشتنه‌كه‌شى به‌ هۆى ناكۆكییه‌وه‌ بوه‌ له‌سه‌ر سه‌رۆكایه‌تیكردنى عه‌شره‌ت.

سه‌رچاوه‌ ئه‌منییه‌كه‌ له‌ لێدوانێكى ڕۆژنامه‌وانیدا ڕایگه‌یاندووه‌، كه‌ دره‌نگانێكى شه‌وى ڕابردوو له‌ ناوچه‌ى شۆفه‌ له‌ باكوورى شارى ناسڕییه‌وه‌، كه‌سێك له‌سه‌ر سه‌رۆكایه‌تیكردنى ناوخۆیی عه‌شیره‌ته‌كه‌یان، له‌گه‌ڵ خزمێكى خۆى كه‌ دراوسێ ماڵن، ده‌بێته‌ ده‌مه‌قاڵه‌یان.

ئاماژه‌ى به‌وه‌ش دا، كه‌ ده‌مه‌قاڵه‌كه‌ دواتر ده‌بێته‌ شه‌ڕه‌ چه‌قۆ و به‌وه‌شه‌وه‌ نه‌وه‌ستاون و ده‌ستیان داوه‌ته‌ چه‌ك.

دواتر ده‌زگا ئه‌منییه‌كان ته‌رمه‌كه‌یان بۆ پزیشكی دادوه‌رى گواستووه‌ته‌وه‌ و ده‌ستكراوه‌ به‌لێكۆڵینه‌وه‌كردن.
bas news-