به‌شێك له‌ په‌رله‌مانتارانى عێراق، له‌ڕێگه‌ى دابه‌شكردنى هاوكارى به‌سه‌ر هه‌ژاران و ئاواره‌كاندا، پێشوه‌خته‌ ده‌ستیان كردووه‌ به‌ هه‌ڵمه‌تى هه‌ڵبژاردن، له‌نێویشاندا كه‌سه‌ نزیكه‌كانى مالیكی و ئه‌ندامانى سه‌ر به‌ لیسته‌كه‌ى هه‌یه‌.

یه‌كێك له‌و په‌رله‌مانتارانه‌ى ده‌ستى به‌دابه‌شكردنى هاوكارى به‌سه‌ر هه‌ژاراندا كردووه‌، و په‌یجه‌ عێراقییه‌كانى فه‌یسبووك به‌ هه‌ڵمه‌تى پێشوه‌خته‌ى هه‌ڵبژاردنى ده‌زانن، په‌رله‌مانتار حسێن مالیكی، ناسراو به‌ "ئه‌بو ڕه‌حاب"ـه‌ كه‌ هاوسه‌رى "ئه‌سرا نوورى مالیكی"یه‌.

ئه‌وه‌ى جێی تێبینی ماڵپه‌ر و په‌یجه‌ عێراقییه‌كانى تۆڕه‌ كۆمه‌لایه‌تییه‌كانه‌، ئه‌وه‌یه‌، كه‌ ئه‌و په‌رله‌مانتاره‌ پێشتر هیچ ناوبانگییه‌كى نه‌بووه‌ و كارى سیاسی نه‌كردووه‌، ته‌نها ئه‌وه‌ نه‌بێت كه‌ زاواى سه‌رۆك وه‌زیرانى پێشوو و سه‌رۆكى ئیئتیلافی ده‌وڵه‌تى یاسایه‌.

ئه‌مه‌ له‌ كاتێكدایه‌ كه‌ بڕیاره‌ ساڵى ئاینده‌ هه‌ڵبژاردنى په‌رله‌مانى له‌ عێراقدا ئه‌نجام بدرێت.
bas news-