لە ئەنجامی تەقینەوەیەک کە شەوی ڕابردوو لە باشووری بەغدا ڕووی داوە، تێیدا 24 کەس کوژراون و 4 کەسی دیکەش بریندار بوون.



بەپێی زانیاریی میدیاکانی عێراق کەلە زاری فەرماندەی ئۆپەراسیۆنەکانی بەغداوە بڵاو کراوەتەوە، کە تەقینەوەکانا شەوی ڕابردوو و لە ناوچەی "ئەبوودشیر" لە باشووری بەغدا ڕوویان داوە.



سەعد موعن، لە کۆنفراسنێکی ڕۆژنامەنووسیدا گوتوویە "ڕێژەی قوربانیانی ئەو دوو تەقینەوە تیرۆریستییە 28 کەس بووە".



دوێنێ هەینی 2017/5/19 لە بەسرە تەقینەوەیەکی دیکەش لە بەسرە ڕووی دا کە تێیدا 11 کەس کوژراون و 30 کەسی دیکەش بریندار بوون .



بەپێی زانیاریی میدیاکان داعش بەرپرسیارێتیی تەقینەوەکەی بەسرەی گرتووەتە ئەستۆ.








باسنیوز