به‌ڕێوه‌به‌رایه‌تى هه‌واڵگرى سه‌ربازى عێراق، ڕای ده‌گه‌یه‌نێت، ژماره‌یه‌ك له‌ شاره‌زایانى بۆمبڕێژكردنیان كوستووه‌، كه‌ تیایاندا فه‌ڕه‌نسی و به‌ریتانى هه‌یه‌.



له‌ ڕاگه‌یاندراوێكى به‌ڕێوه‌به‌رایه‌تى هه‌واڵگرى سه‌ربازیدا هاتووه‌ :" به‌پشتبه‌ستن به‌ زانیارییه‌ هه‌واڵگرییه‌كان، فڕۆكه‌ سه‌ربازییه‌كان كارگه‌یه‌كی بۆمبڕێژكردنیان له‌ ناوچه‌ى پیشه‌سازی له‌ به‌رى ڕاستى شارى مووسڵ به‌ ته‌واوه‌تى ڕووخاند".



له‌و بۆردوومانه‌ى فڕۆكه‌ جه‌نگییه‌ عێراقییه‌كاندا، ژماره‌یه‌ك له‌ شاره‌زایانى بۆمبڕێژكردن و درووستكردنى چه‌كى كیمیاوى، كوژران.





ناوى ژماره‌یه‌ك له‌ شاره‌زاكان ئاشكرا كراون كه‌ یه‌كێكیان "ئه‌بو حه‌مزه‌"یه‌ و خاوه‌ن ڕه‌گه‌زنامه‌ى به‌ریتانییه‌ به‌ڵام له‌ بنه‌ڕه‌تدا خه‌ڵكى وڵاتى به‌حره‌ینه‌، هه‌روه‌ها شاره‌زایه‌كی فه‌ڕه‌نسى به‌ ناوى "ڕه‌فعه‌ت" كوژراوه‌ له‌گه‌ڵ ئه‌بو روسل حه‌دیدی، كه‌ عێراقییه‌.
bas news -