ئەمە لە کاتێکدایە کە پێشتر ئاڵا تاڵەبانی، سەرۆکی فراکسیۆنی یەکێتیی لە پەرلەمانی عێراق، لە میانی گفتوگۆیەکی لەگەڵ کەناڵی (ئافاق)ی سەر بە نووری مالیکی، ئاماژەی بەوە کردبوو:

”ئێمە لەگەڵ ئەو مافی چارەی خۆنووسینە نین کە پارتی دیموکراتیی کوردستان هەوڵی بۆ دەدات“.
جەختیشی لەوە کردبووەوە:
”بابەتی دەوڵەتی کوردی بەشێکە لەو پیلانە گەورەیەی لەسەر عێراق هەیە لە دوای مووسڵ“. دووپاتیشی کردەوە:

”من نازانم عێراق دوای مووسڵ بە کوێ دەگات. هەن کە دەیانەوێت حاڵەتی ئاژاوە لە عێراق بەردەوام بێت. هەندێک دەیانەوێت پرۆسەی سیاسی لە عێراق نەمێنێت و هەموو پیرۆزییەکانی دەکەنە ئامانج، بەڵام ئێمە پێمانوایە هەموومان لە یەک کەشتیداین، ئەگەر ماینەوە هەموومان دەمێنینەوە، ئەگینا پێکەوە ژێرئاو دەکەوین“.