حکومەتی عێراق لەگەڵ کۆمپانیای جەنراڵ ئێلێکتریکی ئەمریکی، گرێبەستێکی واژۆکرد بۆ دروستکردنی دوو وێستگەی کارەبا لە پارێزگاکانی زیقار و موسەننا.

بەپێی ئەو گرێبەستە، کۆمپانیای جەنراڵ ئێلێکتریک دوو وێستگەی کارەبا هەریەک بە توانای بەرهەمهێنانی 750 میگاوات بە گوژمەی یەک ملیار و 400 ملیۆن دۆلار دروستدەکات.

عێراق بە دەست کێشەی کەمی کارەباوە دەناڵێنێت، بەپێی حکومەتی عێراق، واژۆکردنی ئەو گرێبەستە بۆ چارەسەرکردنی بەشێک لە کێشەکانی ئەو وڵاتەیە لە کەرتی کارەبا.

بەهۆی نەبوونی خزمەتگوزاری و هەبوونی گەندەڵی لەنێو دامودەزگاکانی حکومەت، هاووڵاتییانی زۆربەی ناوچەکانی عێراق، لە بەشێکی پێداویستییە سەرکییەکانی ژیان بێ بەشن.








رووداو