ئه‌مڕۆ هه‌ینی سه‌رچاوه‌یه‌كی له‌ پارێزگای نه‌ینه‌وا رایگه‌یاند، رێكخراوی داعش چه‌كداره‌كانی خستۆته‌ ئاماده‌باشیه‌وه‌ و به‌شێكی فراوانی "وادی عگاب"ی له‌به‌ری راستی موسڵ داخستووه‌، له‌پێناو گه‌ڕان به‌دوای ئه‌و سه‌ركرده‌یه‌ كه‌ به‌ له‌بارودۆخێكی ته‌مومژاوی ون بووه‌.

سه‌رچاوه‌كه‌ وتیشی، رێكخراوی داعش به‌شێكی فراوانی ناوچه‌ی "وادی عگاب"ی له‌ به‌ری رۆژئاوای موسڵ داخستووه‌و، ده‌ستی كردوه‌ به‌ پرۆسه‌ی گه‌ڕان و پشكنین بۆ ئه‌و سه‌ركرده‌ گرنگه‌ كه‌ دوێنی له‌ باردوخێكی ته‌مومژاوی ون بوو.

ئه‌و سه‌رچاوه‌یه‌ كه‌ نه‌یویست ناوی ئاشكرا بكرێت وتی، گرنگی دانی داعش به‌م رووداوه‌ ده‌ری ده‌خات كه‌ سه‌ركرده‌یه‌كی گرنگه‌.

به‌ره‌به‌یانی ئه‌مڕۆ فه‌رمانده‌ی پرۆسه‌كانی نه‌ینه‌وا رایگه‌یاند، هێزه‌ عێراقییه‌كان به‌ره‌و یه‌كه‌م گه‌ڕه‌كی به‌ری راستی موسڵ بۆ رزگاركردنی پێشڕه‌ویان كردوه‌.
payamner-