هاشم هیشامى، شرۆڤه‌كار و شاره‌زا له‌ كاروبارى گرووپه‌ توندڕه‌وه‌كان، له‌ پۆستێكدا له‌ سه‌ر پێگه‌ى تایبه‌تى خۆى له‌ توویته‌ر، وێنه‌ى فڕۆكه‌یه‌ك ده‌خاته‌ڕوو، كه‌ له‌لایه‌ن هێزه‌ هاوبه‌شه‌كانه‌وه‌ له‌ مووسڵ ده‌ستى به‌سه‌ردا گیراوه‌.



ئه‌و شرۆڤه‌كاره‌، ده‌نووسێت :" هێزه‌ هاوبه‌شه‌كانى عێراق ده‌ست به‌سه‌ر كارگه‌یه‌كی درووستكردنى فڕۆكه‌ى سه‌ر به‌ مه‌فره‌زه‌كانى داعشدا ده‌گرێت".



ئه‌وه‌ش ده‌خاته‌ڕوو، كه‌ له‌ كارگه‌كه‌دا ده‌ست به‌سه‌ر فڕۆكه‌یه‌كدا گیراوه‌ و ئه‌وه‌ش یه‌كه‌م هه‌وڵى داعش بووه‌ بۆ درووستكردنى فڕۆكه‌یه‌كی سه‌ره‌تایی به‌ مه‌به‌ستى ئه‌نجامدانى كرده‌وه‌ى خۆكوژى.



له‌ 17ى 10ى2016 له‌لایه‌ن هێزه‌كانى پێشمه‌رگه‌ و هێزه‌ هاوبه‌شه‌كانى عێراق به‌ هاوكارى فڕۆكه‌كانى هاوپه‌یانى نێوده‌وڵه‌تى به‌سه‌ركردایه‌تى ئه‌مریكا، ده‌ست به‌ ئۆپه‌راسیۆنه‌كانى ڕزگاركردنى نه‌ینه‌وا كرا، تا ئێستا شه‌ڕه‌كان به‌رده‌وامه‌ و دیوى چه‌پی شارى موسڵ، له‌داعش وه‌رگیراوه‌ته‌وه‌.
bas news-