سەرچاوەیەکی دادوەری لە عێراق ڕایگەیاند دادگا بڕیاری بۆ دەیان ئەندامی حەشدی شەعبی دەرکردوە بە تۆمەتی کوشتن و ڕفاندن و بەکارھێنانی چەک دژی ھاووڵاتیان.



بەپێی ھەواڵێکی "الغدپرس"، "ماجد ئەلئەعرەجی" سەرۆکی دادوەریی دادگای ناوەندی تاوانەکان لە عێراق ئاشکرای کرد کە دادگا بڕیاری بۆ ٤٧ کەس لە ئەندامانی حەشدی شەعبی دەرکردوە بە تۆمەتی کوشتن و ڕفاندن و بەکارھێنانی چەک دژی ھاووڵاتیان.



ئەلئەعرەجی لە کۆنگرەیەکی ڕۆژنامەوانیی ساڵانەدا بۆ دەسەڵاتی دادوەری ئاشکرای کرد کە "دادگای تاوانەکان ٤٧ حوکمی بۆ ئەندامانی حەشدی شەعبی دەرکردوە دوای سەلماندنی تاوانی کوشتن و ڕفاندن و بەکارھێنانی چەک لە دژی ھاووڵاتییانی سڤیل، کە حوکمەکانیش لەنێوان لەسێدارەدان و زیندانی ھەتایی و ١٥ ساڵدا بووە".
payamner-