بۆمبه‌كانى داعش ڕۆژانه‌ به‌و هاووڵاتییانه‌دا ده‌تقنه‌وه‌ كه‌ له‌سنووره‌كانى ژێر ده‌ستى ئه‌و ڕێكخراوه‌ توندڕه‌وه‌ هه‌ڵدێن و ئه‌مڕۆ له‌ نێوان حه‌وێجه‌ كه‌ركووك، ته‌قینه‌وه‌ى بۆمبێك دایك و منداڵێكى كوشت.



سه‌رچاوه‌یه‌ك له‌ پۆلیسی كه‌ركووك، به‌ ئاژانسى هه‌واڵى (باسنیوز)ـى ڕا گه‌یاند :" دواى نیوه‌ڕۆ ئه‌مڕۆ نزیك كاتژمێر 2:00، بۆمبێكى چێنراو به‌و هاووڵاتیانه‌دا ته‌قییه‌وه‌ كه‌ له‌سنوورى شارى حه‌وێجه‌وه‌ به‌ره‌و كه‌ركووك هه‌ڵدێن".



سه‌رچاوه‌كه‌ ئاشكراشی كرد، كه‌ له‌ ئه‌نجامى ته‌قینه‌وه‌ى بۆمبه‌كه‌، دایك و منداڵێك گیانیان له‌ده‌ستدا.



ته‌رمى دایكه‌كه‌ له‌ دۆڵى نه‌وت له‌ سنووره‌كه‌ نێژرا و ته‌رمى مناڵه‌كه‌شى ڕه‌وانه‌ى نه‌خۆشخانه‌ى ئازادى كرا.
xendan -