ئەمڕۆ سەرۆکوەزیری عێراق و سەرۆکی ڕەوتی سەدر پێکەوە کۆبوونەوە و لە کۆتاییدا لە کۆبوونەوەیەکی هاوبەشدا جەختیان لەسەر هاوکاریی نێوان لایەنەکان بۆ بنبڕکردنی تیرۆر لە عێراق کردەوە.

حەیدەر عەبادی، سەرۆکوەزیرانی عێراق لەبارەی پرۆسەی ئازادکردنی مووسڵ ڕایگەیاند "ملیۆنەها کەس لە مووسڵ شارەکەیان ئازاد کراوە و ئاوارە نەبوون. پرۆسەکە زۆر باش بەڕێوە دەچێت و پێویستە زیانەکانی هێزە چەکدارەکانمان کەم بکەینەوە.



هاوکات موقتەدا سەدر، ڕێبەری ڕەوتی سەدرلە کۆنگرە ڕۆژنامەنووسییەکەدا گوتی "لەسەر پاڵپشتیکردنی سوپای عێراق بۆ تەواوکردنی پرۆسەی ئازادکردنی مووسڵ پاڵپشتیی حکوومەت دەکەین و گوتیشی "پاڵپشتی بیرۆکەی میانڕەوی لە عێراق و کۆتاییهێنان بە توندوتیژیو پرۆسە چاکسازییەکان دەکەین."



موقتەدا سەدر ئەوەشی ئاشکرا کرد "دەستدرێژیکردنە سەر کریستیانەکان بە کاری تیرۆر دادەنێین و ئەوەی لە بەسرە ڕووی دا، کاردانەوەی گەلە و ناکرێت گەل دەستدرێژی بکاتە سەر هۆزە عێراقییەکان. دەستدرێژییەک هەبووە بۆ سەر حزبی دەعوە، ئەو حزبە دۆستی ئێمەیە. ڕەنگە ئەو کەسایەتییەی دەستدرێژی کرایە سەر، خۆی لە گەل دوور خستبێتەوە."
bas news-