له کاتی گەڕانەوەی زیارەتکارانی ئێرانی له مەراسیمی ئەربەعین، له بەنزینخانەیەکی نزیک حلله، بۆمبێکیان پێدا تەقییەوه و بەپێی دوایین ئامار، زیادتر له ٨٠کەس کوژراون.



بەرپرسێکی ئەمنیی پارێزگای بابل به "فرانس پرێس"ی رایگەیاند، کەمتر له دە کەس له قوربانییەکان عێراقین و ئەوانی دیکه ئێرانین.



بەپێی هەواڵێکی رۆیتەرز، داعش بەرپرسیارێتیی خۆی لەو تەقینەوەیه راگەیاندووه.



ئەو زیارەتکارانه دوای ئەوەی دوێنێ مەراسیمی ئەربەعین تەواو ببوو، له کەربەلاوه بەرەو ئێران بەڕێکەوتبوون.



تەقینەوەکه بەهۆی ئۆتۆمبێلێکی بۆمبڕێژکراو له گوندێکی نزیک حلله، له ١٢٠کیلۆمەتری باشووری بەغدا و ٨٠کیلۆمەتری کەربەلا رووی دا.



هەموو ساڵ نزیکەی ٢٠ملیۆن شیعه بۆ بەشداریی له مەراسیمی ئەربەعین روو له کەربەلا دەکەن.
PAYAMNER -