هێزە عێراقییەکان شارۆچکەی روتبە لە پارێزگای ئەنبار رزگار دەکەنەوە، دوای داگیرکردنەوەی لەلایەن چەکدارانی رێکخراوی توندڕەوی داعشەوە.

لە چەند مانگی رابردوودا، هێزە عێراقییەکان سەرکەوتوو بوون لە کۆنتڕۆڵکردنەوەی زۆربەی ناوچە داگیرکراوەکانی پارێزگای ئەنبار.

بۆ کەمکردنەوەی گوشاری هێزەکانی پێشمەرگەی کوردستان و هێزە عێراقییەکان لەسەر چەکدارانیان لە سنووری پارێزگای مووسڵ، رۆژی دووشەممە 24ـی تشرینی یەکەمی 2016، چەکدارانی داعش بە چەندین ئۆتۆمبێلی بۆمبڕێژکراو هێرشیان کردە سەر شارۆچکەکە و داگیریان کردەوە.

میدیا عێراقییەکان بڵاویان کردووەتەوە، کە رۆژی سێشەممە 25ـی تشرینی یەکەمی 2016، هێزە عێراقییەکان شارۆچکەی روتبەیان رزگار کردووەتەوە.

لە مانگی حوزەیرانی 2014 و لە سەردەمی سەرۆک وەزیرانێتیی نوری مالیکی، دوای هەرەس هێنان و شکستی سوپای عێراق، شاری مووسڵ و زۆربەی ناوچەکانی پارێزگاکانی نەینەوا، سەڵاحەدین، دیالە و ئەنبار و چەند ناوچەیەکی باشووری کەرکووک لەلایەن چەکدارانی داعش داگیر کرا.















باسنيوز