پەرلەمانتارێكی بێ لایەن لیستێكی گەورەی نێو پەرلەمان تۆمەتبار دەكات بەئامادەنەبوونی زۆربەی زۆری ئەندامانی لیستەكە بۆ كۆبونەوەكەی دوێنێی پەرلەمان و داوای كرد كە ناوەكانیان ئاشكرا بكرێت.



شێروان وائلی ئەندامی ئەنجومەنی نوێنەرانی عێراق كە ئەندامێكی بێ لایەنە بەئاژانسی هەواڵی پەیامنێری ڕاگەیاند: دوای ئەوەی دوێنی ئەنجومەنی نوێنەرانی عێراق كۆبونەوەی ئاسایی خۆی ئەنجام دا كە بڕیار بوو خوێندنەوەی دووەم بۆ یاسایی بودجە بكرێت بەڵام بەهۆی تەواو نەبوونی نیسابی یاسایی كۆبونەوەكە دواخرا و زۆربەی زۆری ئەندامانی لیستی دەوڵەتی یاسا ئامادەی كۆبونەوەكە نەبوون و ئەمەش مەبەستێكی سیاسی لەدوایدا هەیە چونكە دەوڵەتی یاسا دەیانەوێت كێشەیەك لەعێراق دروست بكەن.

گوتیشی: داوام لەسەرۆكایەتی پەرلەمان كرد كە ناوی ئەو پەرلەمانتارانە ئاشكرا بكات كە ئامادەی كۆبونەوەكە نەبوون بەڵام ڕەزامەندی لەسەر داواكەم نەكرا وچەند كەسانێك هەن كە بەناوی هاوڵاتی لێدوان دەدەن و بەردوام ئەوە نیشان دەدەن كە كار دەكەن بۆ بەرژەوەندی هاوڵاتیان ئامادەی كۆبونەوەكەی دوێنی نەبوون.

شایەنی باسە: بەهۆی تەواو نەبوونی نیسابی یاسایی پەرلەمان سەرۆكایەتی ئەنجومەنی نوێنەران كۆبونەوەكەی بۆ رۆژی سێ شەممە دواخست و بڕیارە خوێندنەوەی دووەم بۆ یاسایی بودجە بكرێت.








PNA