تادێت قەیرانە سیاسیەکان توندتر بەرۆکی عێراق دەگرن، بەبڕوایی پەرلەمانتارێکی لیستی هاوپەیمانی کوردستانیش ئەوەی لەعێراقدا ڕوودەدات دوورە لەهەموو بنەمایەکی بەڕێوەبردنی دەوڵەت.





ئەندامی ئەنجومەنی نوێنەرانی عێراق لەلیستی هاوپەیمانی کوردستانی، سیروان ئەحمەد، لەلێدوانێکی تایبەت بۆئاژانس وڕادیۆی پەیامنێر گوتی:"من گەشبینیم نەماوە بە سیاسەتی عێراق و خەریکە ژینگەیەکی لەبار نامێنێت بۆ چارەسەر کردنی کێشەکان و تادێت کێشەکانی عێراق قوڵتر دەبێتەوە".



سیروان ئەحمەد گوتی:"نوری مالکی نایەوێت کێشەکان چارەسەر بێت، ڕۆژ لەدوای ڕۆژ کێشە و گرفتی زیاتر بۆ لایەنەکان دروست دەکات و پیاوی دەوڵەت نییە".



ئەندامەکەی لیستی هاوپەیمانی کوردستانی ڕاشیگەیاند:"من وەکو خۆم هیچ ئاماژەیەک نابینم بۆ چارەسەر بوونی کێشەکانی نێوان هەرێم و بەغداد".





PNA