له‌ چوارچێوه‌ی گفتوگۆ به‌رده‌وامه‌كان له‌ سه‌ر بابه‌تی كرینی چه‌ك له‌ ئێران له‌لایه‌ن عێراقه‌وه‌ . خالد ئه‌سه‌دی ئه‌ندامی ئیئتیلافی ده‌وڵه‌تی یاسا رایگه‌یاند كه‌ عێراق سیاسه‌تێكی هه‌مه‌ ره‌نگ و هه‌مه‌ لایه‌نه‌ی هه‌یه‌ بۆ سه‌رچاوه‌كانی چه‌ك و چه‌ندین گرێبه‌ستی له‌مباره‌وه‌ بۆ كرینی چه‌ك مۆركردووه‌ ، زۆر ئاساییه‌ كه‌ له‌ گه‌ڵ ئێرانیش رێك بكه‌وێت بۆ كرینی چه‌ك به‌تایبه‌تی چه‌كی سووك .

ئه‌سه‌دی روونیكرده‌وه‌ كه‌ سیاسه‌تی خۆپڕچه‌ككردن بۆ هه‌ر وڵاتێك به‌چه‌ند بنه‌مایه‌كه‌وه‌ ده‌به‌سترێته‌وه‌ ، له‌وانه‌ جۆری ته‌قه‌مه‌نی و پلانی به‌رگری وڵات . یه‌كێك له‌ خاڵه‌ گرنگه‌كان بۆ عێراق ئه‌وه‌یه‌ كه‌ چۆن ئه‌من و ئاسایشی خۆی بپارێزێت ، په‌یوه‌ندیكردنی سه‌ربازی له‌ گه‌ڵ وڵاتانی دراوسێ گرنگیی خۆی هه‌یه‌ سه‌باره‌ت به‌ئه‌من و ئاسایش له‌ عێراقدا و ئێرانیش توانای نوێی پڕچه‌ككردنی هه‌یه‌ ، پێشتریش عێراق له‌ گه‌ڵ روسیا و ئۆكراینا و ئه‌مه‌ریكا و چه‌ندین وڵاتی دیكه‌ رێككه‌وتوون بۆ كرینی چه‌ك .