بەهۆی ئامادە نەبوونی پەرلەمانتارانی موتەحیدون و ئەحرار لەكۆبونەوەكەی رۆژی یەك شەممە ئەگەر ئەوە هەیە كە بۆ ڕۆژێكی دیكە دوابخرێت و فراكسیۆنی كوردستانیش سوورن لەسەر ئامادە نەبوون لە كۆبونەكە ئەگەر یاسایی بودجە بخرێتە نێو كارنامەی كۆبونەوەكەوە.



بڕیار دەری ئەنجومەنی نوێنەرانی عێراق محەمەد خالیدی لە لیدوانێكدا بەئاژانسی هەواڵی پەیامنێری ڕاگەیاند: ڕێك نەكەوتنی شاندی هەرێمی كوردستان لەگەڵ بەغدا سەبارەت بەكێشەكانی نێوان هەردوولا ئەوە دەگەیێنێت كە فراكسیۆنی كوردستانی جارێكی دیكە ئامادەی كۆبونەوەكان نەبن ئەگەر یاسایی بودجە بخرێتە نێو كارنامە كۆبونەوەكان و هەروەها لیستی موتەحیدونیش ئامادە نابن ، بەهۆی بەیاننامەیەكی موقتەدا سەدر سەرۆكی تەیار سەدڕی 20 پەرلەمانتار لە ئەحرار دەستیان لەكار كێشایەوە و بەشداری لەكۆبونەوەكان ناكەن و ئەگەری هەیە كە كۆبونەوەكەی ڕۆژی یەك شەممە دوابخرێت بەهۆی تەواو نەبوونی نیسابی یاسایی پەرلەمانەوە.



حاكم زاملی ئەندامی ئەنجومەنی نوێنەرانی عێراق لەلیستی ئەحرار رایگەیاند : لیستی ئەحرار دەست لەكار كێشانەوەكەیان هەڵوەشاندەوە ودەست دەكەن بەكاری ئاسایی خۆیان لەپەرلەمان.



خلیدی گوتیشی: رۆژی یەك شەممە چەند یاساییەك خوێندنەوە و دەنگی لەسەر دەدرێت كە لە بەرژەوەندی هاوڵاتیانە و ئەگەر لیستی ئەحرار و موتەحیدون و كوردستانی ئامادەی كۆبونەوەكە نەبن ئەوە بۆ ڕۆژێكی دیكە دوادەخرێت.

شایەنی باسە: فراكسیۆنی كوردستانی سوورن لەسەر ئامادە نەبوون لەكۆبونەوەی پەرلەمان ئەگەر یاسایی بودجە بخرێتە نێو كارنامەی كۆبونەوەكەوە بەیاساییەكی نا دەستوری وەسفی دەكەن.