نەمانی پارە بانكەكانی عێراقیشی گرتەوەو سەرچاوەیەك لە ئەنجوومەنی وەزیرانی عێراق رایدەگەیەنێ تا بوودجەی مانگەكانی سەرەتای ئەمساڵی وەزارەتەكانی عێراق دابەش نەكراوە.
بە پێی زانیارییەكان ماوەیەكە نەمانی پارە لە بانكەكانی پارێزگاكلنی باشوور و ناوەڕاستی عێراق سەریهەڵداوەو كاریگەریی لەسەر كارەكانی هاووڵاتیان و كۆمپانیا و دامەزراوەكانی حكوومەتیش دروست كردووە.
سەرچاوەیەك لە ئەنجوومەنی وەزیرانی عێراق پشتراستی نەمانی پارە لە بانكەكانی عێراق كردەوەو راشیگەیاند: تا ئێستە بوودجەی وەزارەتەكانی حكوومەتی عێراق لە مانگی یەك و دووی ئەمساڵ نەدراوە، حكومەتی عێراقی چاوەڕوانی پەسەندكردنی بودجەی گشتی دەكات.
لای خۆیەوە دكتۆر خێروڵا حەسەن وەزیری بازرگانی عێراق رایگەیاند، نەمانی پارەكان بانكەكانی پارێزگاكانی باشوور و ناوەڕاستی عێراقیشی گردۆتەوەو ئەگەر لەم یەك دوو هەفتەیە چارەسەر نەكرێ كێشە نەمانی پارە لەو بانكانە كاریگەریی خراپی لەسەر كۆی بارودۆخی عێراق دەبێ.