به‌پێی به‌یاننامه‌یه‌كی وه‌زاره‌تى به‌رگرى، كه‌ وێنه‌یه‌كی بۆ خه‌ندان نێردراوه‌، عیراق وه‌جبه‌ى یه‌كه‌مى له‌ فڕۆكه‌ى هێرشبه‌رى جۆرى (MI-35)ى دروستكراوى روسى، وه‌رگرت.

له‌ به‌یاننامه‌كه‌دا، هاتووه‌:\" به‌ ئاماده‌بوونى نوێنه‌رى وه‌زیری به‌رگرى عیراق، فه‌ریق روكن عه‌بود قه‌نبه‌ر، یاریده‌ده‌رى سوپاسالار بۆ ئۆپراسیۆنه‌كان و ئه‌میندارى گشتى وه‌زاره‌تى به‌رگرى‌و ژماره‌یه‌ك له‌ سه‌ركرده‌كان‌و ئه‌فسه‌ره‌كان، وه‌جبه‌ى یه‌كه‌مى فڕۆكه‌ روسییه‌كه، وه‌رگیرا\"".

ئه‌وه‌ش خراوه‌ته‌ڕوو، كه‌ فڕۆكه‌ى (MI-35)ى رووسى، به‌یه‌كێك له‌ فڕۆكه‌ پێشكه‌وتووه‌كان له‌ جیهاندا ئه‌ژمار ده‌كرێت‌و له‌ هه‌موو جۆره‌ پاڵپشتییه‌ك بۆ هێزه‌ پیاده‌كان‌و فه‌رمانده‌یی ئۆپه‌راسیۆنه‌كان به‌كار ده‌هێنرێت.

هه‌روه‌ها ته‌ئكیدكراوه‌ته‌وه‌، كه‌ بۆ دژه‌ تیرۆر و پێكانى هه‌موو ئامانجه‌ راوه‌ستاو و جووڵاوه‌كان به‌كار ده‌هێنرێت به‌شه‌و و به‌ رۆژ ‌و له‌هه‌ر كه‌شێكدا بێت.

وه‌رگرتنى وه‌جبه‌ى یه‌كه‌مى ئه‌و فڕۆكانه‌، هێز و توانایه‌كی باش به‌ هێزه‌كانى سوپاى عیراق ده‌داتو كاریگه‌رى ئیجابیشی ده‌بێت له‌سه‌ر ئه‌داى سوپاكه‌ له‌ نه‌هێشتنى \""تیرۆر\""‌و راوه‌دوونانى چه‌كداره‌ توندڕه‌وه‌كان، وه‌ك له‌به‌یاننامه‌كه‌دا هاتووه‌.





خه‌ندان"