دوانیوەڕۆی ئەمڕۆ دووشەممە وەزیری دەرەوەی عێراق گەیشتە كابوڵی پایتەختی ئەفغانستان‌و بڕیارە لەگەڵ گەورە كاربەدەستانی ئەو وڵاتە كۆببێتەوە.

هۆشیار زێباری، وەزیری دەرەوەی عێراق دوانیوەڕۆی ئەمڕۆ دووشەممە بە سەردانێكی فەرمی گەیشتە كابوڵی پایتەختی ئەفغانستان و لەلایەن وەزیری دەرەوەی ئەو وڵاتەوە پێشوازیی لێكرا.

سەردانەكەی زێباری بۆ ئەفغانستان، یەكەم سەردانی وەزیری دەرەوەی عێراقە بۆ ئەو وڵاتە و بەپێی سەرچاوەی زانیارییەكانی تۆڕی میدیایی رووداو، سەردانەكە بۆ پتەوكردنی پەیوەندییەكانی نێوان كابوڵ و بەغدایەو بڕیاریشە بۆ ئەو مەبەستە چاوی بە سەرۆك كۆمار و كاربەدەستانی ئەو وڵاتە بكەوێت.

حكومەتی عێراق لە هەوڵی ئاساییكردنەوەی پەیوەندییە دیپلۆماسییەكانیدایە لەگەڵ وڵاتانی دراوسێی و ناوچەكە، گرنگترین ئەو هەوڵانەش ئاساییكردنەوەی پەیوەندییەكانی ئەنقەرەو بەغدا بوو دوای ئەوەی بۆ ماوەیەكی زۆر گرژیی لەنێوانیاندا هەبوو.






رووداو