ئەمەریکا 4 پارچە شوێنەواری رادەستی عێراق کردەوە
وەزارەتی دەرەوەی عێراق لە بەیاننامەیەکدا رایگەیاند، نووسینگەی لێکۆڵینەوەی فیدراڵی ئەمەریکی دوێنێ چوارشەممە لە مەراسیمێکدا، 4 پارچە شوێنەواری رادەستی باڵیۆزی عێراق لە واشنتن کردەوە.
شوێنەوارەکان 4 مۆر بوون و بە دەست یەکێکەوە گیراوە، کە لە رێگەی پەیوەندی بە قاچاخچییەکانی شوێنەوار لە رۆژهەڵاتی ناوەڕاست دەستی کەوتووە.
وەزارەتی دەرەوەی عێراق، ستایشی ئەو هەنگاوەی نووسینگەی لێکۆڵینەوەی فیدراڵی ئەمەریکی کردوە و بە لایەنێکی گرنگی هەماهەنگی نێوان عێراق و ئەمەریکای داناوە.
رووداو
